共同度过千千夜 歌声共鳴爱心偕

平凡的人

祝LESLIE生日快乐！

         共同度过千千夜 歌声共鳴爱心偕

    有谁共鸣是香港商业电台慈善筹款点播节目，每天都請名人勸捐，請來的嘉賓名人主持，都是有一定知名度，嘉賓揀選心中喜愛歌曲時，都是從心中出發，表達了對歌曲的一番感受，或其歌手對她／他當年的有一定影響。节目里不少嘉宾都点播了张国荣的歌曲，谈到了与哥哥同行的点点滴滴，让我们随着他们娓娓道来以哥哥歌曲傳情, 引發你爱心共鳴!继续张国荣......

● 杜文泽说道：最欣賞的男演員張國榮

杜文泽：说到电影明星，我最喜欢的就是张国荣，张国荣的那种不羁、那种气质、那种样貌，我认为不可能再找到了，其实有很多歌都可以代表到张国荣，他唱过很多歌都是很经典的，但是这一首歌是最能令我想起张国荣的，这首歌不是张国荣唱的，是在《春光乍泄》里面，我好记得张国荣对着镜子跳喳喳(注：他可能把《春光》和《阿飞》搞混了），而背景音乐就是这首歌了，不知为何，我一想起张国荣就会想起这首歌，一听到这首歌就会想起张国荣，当时的画面应该是放影着那瀑布的，那个瀑布好大，声音也很大，我感觉到他的对手梁朝伟的心很痛的，我很记得这个画面，这是我一生人里面看过最厉害的镜头，就是放影着那个瀑布，而张国荣先生主演过这么多部电影，我觉得做得最好的就是那部《春光乍泄》，而这部戏令他拿不到任何奖项，对于这我觉得相当不公平，因为我觉得哥哥做得最好，我真的听人这么说过：“哥哥是一个同性恋者，他饰演一个同性恋者，做得好有什么奇怪呢？”我个人觉得一个同性恋者把一个同性恋的角色做得好，而被人觉得演（演技）低了，这个说法很不公平，因为我认识很多异性恋的演员饰演异性恋的时候都做得很差。

● 张国荣的“陈宝珠”

陈宝珠:点播了Monica：Monica好轻松，还有我觉得Monica这首歌是张国荣那时的转折点来的，就是Monica一成功的时候，整个人都不同了，他一路一路地上升，我觉得这首歌令人有一种很开心的感觉，所以我喜欢Monica。

   LESLIE的为人很好的，他很尊重那些长辈，我在温哥华的时候，他知道我去那里， 就和我通电话，然后接我去他家吃饭，在温哥华都和他打过两次麻将，有时又和他吃吃饭。他知道你在某个地方的时候，他会去找你，很尊重我们这些比他年长的艺人，回到香港了，他有时会打个电话过来：他叫我做珠宝陈的，“怎么样 啊！珠宝陈，你好吗？”我就说“好”，然后他就会说“我们什么时候有空就……啦”。他是很有心，他很关心我的，他过身的时候我是很舍不得，真的很不舍得，我以为是人家作弄我，因为那天是愚人节，我觉得很浪费，一个这么全面性的艺人，我想在那段时间，可能真是没人（能）和他讲到嘢（谈心，分担他的心情），在当时也没有人知道这个所谓忧郁病的这种病，所以可能身边的人体会不到他的病情。希望他现在上到天堂能得到安息，很多他身边的朋友和影迷，我们人人都会为他祝福。


● 楊雯德(一個集團的General Manager),她的女兒在baby的時候聽收音機,當時正播著張國榮的<<風繼續吹>>,她的女兒不知不觉吸收了這首歌,经常不停的說<<吹..吹啊..吹...>>,後來大一點的時候,她與女兒在麗晶飲茶時遇上張國榮,女兒逼她去拿張國榮的簽名,她站在女兒的後面推着女兒自己去拿,这样張國榮成为她女兒所拿的第一個簽名。

● 表演藝術工作者-陳浩峰

我好似會慢慢越嚟越鐘意呢首歌咁, 因為我嘅朋友越嚟越鐘意唱呢首歌, 我越聽越多, 我聽嘅次數呢就應該多過張國榮唱比我聽嘅次數! 咁呢首歌叫做《今生今世》。

幻變的一生　
默默期待一份愛
踏過多少彎　
斷斷情路也失望
我不甘心說別離　
仍舊渴望愛的傳奇
不捨不棄　無懼長夜空虛風中繼續追
風裡笑著風裡唱　
感激天意碰著你　
縱是苦澀都變得美
天也老　任海也老　
惟望此愛愛未老　
願意今生約定他生再擁…抱

如果你話, 《夕陽之歌》係咁殘酷嘅話呢, 咁《今生今世》可能係一種希望啦, 你起碼對你側跟嘅人有一種承擔, 咁樣, 感動我嘅呢, 係我嘅朋友佢哋好投入去唱, 可能佢哋會因為呢首歌, 越唱越多! 而個人會越來越對身邊嘅人承擔, 咁我都希望呢樣嘢會發生係我身上。

● 林建明：我今日想大家哩, 捐助香港家連家精神健康倡導協會, 呢個慈善機構,, 透過舉辦教育課程, 凝聚各家庭的力量, 並鼓勵病患者同家屬; 係專業人士指導下, 擔任義務導師, 希望透過教育同埋倡導, 令病患者及家屬, 從新掌握自己的命運, 建立一個公平世界嘅社會。主要的治療啦, 同埋多个渠道比佢哋可以去求助啦，呢幾年, 我本身好積極咁去推動, 同教育情緒病啦, 當然係要須要很多人幫手, 好多人去支持啦！其中呢係呀哥哥張國榮, 佢班fans吖, 哥哥佢亦都係因為情緒病, 抑鬱病過世, 佢地同我地會好有交流, 佢哋都好支持同我做呢樣&#60593;! 有時逢親有咩活動呢, 佢哋一大班人一齊幫手做義工,佢哋好有組織能力, 同埋呢就係唔止一般義工咁簡單, 所以有佢哋幫手哩,我地都係好多事半工倍囉, 好多謝佢哋, 每一次有機會,佢地一定係點張國榮嘅歌, 呢個一定架啦, 我呢次送番首歌比你哋好吗! Stand up 。

● 林夕：其實leslie 真係好努力想去醫好個病, 希望出面0既人唔好再亂講。"我記得張國榮0岩0岩去世0既時候, 我感到好震驚,佢好有錢, 佢有愛佢0既人, 佢仍然選擇呢條路, 據我所知其實佢係患0左抑鬱症, 亦都睇緊全港最好最高0既醫生, 麥列菲菲, 係好緊密咁睇緊0架0勒, 佢都仍然有咁0既選擇, 所以我好震驚...."

● 電視藝人馬俊偉：《沉默是金》以前聽呢隻曲的時候讀緊書, 咁呀! 唔係好明, 乜嘢叫做《沉默是金》呢?当时我會覺得, 做乜一定要沈默呢, 但係我覺得, 以前唔睇得透, 但而家哩, 當個人漸漸長大, 同埋係呢度工作崗位裏邊呢, 就發覺, 啊! 原來沉默真係是金, 係原來有的野係唔講好過講, 反而係保持沉默, 去好好咁做好自己的工作, 係更勝過你講太多的野。咁不如大家再仔細咀嚼一下, 即係《沉默是金》呢首歌裏面的歌詞

● 連嘉欣：如果我揀既歌能引起你的共鳴,請用手機,撥出一個空白短訊到50881903捐出五蚊,支持《香港愛護動物協會》

默默向上游（電影"鼓手"插曲）
作詞：鄭國江　作曲：顧家輝
幸運不肯輕招手　我要艱苦奮鬥
努力不會有極限　若遇失敗再重頭
現實欺弄不擔憂　我要跟它決鬥
挺著胸對抗命運　用力握實我拳頭
成功不會驟然降　喝采聲不想白白承受
求能用心　求能用功　求能做好鼓手
像怒海的小孤舟　冷雨淒風繼續有
我願那苦痛變力量　默默忍淚向上游...

[ 本帖最后由 lktgwd 于 2007-1-26 15:46 编辑 ]

平凡的人

续1：

● 黃淑儀：當年情，应该在87年左右，张国荣去温哥华登台，也在我的节目里出现过，做完访问之后，张国荣就说：JIJI（口音记录）姐，我刚刚拍了一部戏，是（我）很喜欢很喜欢的，你一定要留意

我说：咦？是什么戏啊？
他说：我在里面还唱了主题曲的，而且这戏会造成很大的震撼

哗，香港的电影怎么会有这么大的回响？我也知道张国荣本身是一个要求很高的人，而在他口里说了这么一个声势、形势都来势汹汹，而且又是这么有分量的电影究竟是什么，那时我也很期待很想看到这部戏，原来这部就是大家熟悉的《英雄本色》，而他唱的主题曲就是《当年情》

● 行政會非官首議員／匯豐投資亞洲控股有限公司主席 查冼美倫：「有陣時流行歌講嘅情情愛愛，歌詞呢；有啲係好優美，我記得其中又有幾首啲歌詞優美，但好大部份好似好通俗，亦都差唔多，所以係當時咁多啲講情愛嘅歌曲裏面，有一兩首好似《幾許風雨》同埋《有誰共鳴》咁嘅歌出現呢，又係令人耳目一新嘅，因此對個歌詞特別注意，亦都係有共鳴～」

張國榮-有誰共鳴

作詞：小美　作曲：谷村新司　編曲：趙增熹
抬頭望星空一片靜　　　我獨行　夜雨漸停
無言是此刻的冷靜　　　笑問誰　肝膽照應
風急風也清　告知變幻是無定
未明是我苦笑卻未停
不信命　只信雙手去苦拼
矛盾是無力去暫停
可會知　我心裡困倦滿腔
夜闌靜　問有誰共鳴
從前是天真不冷靜　　　愛自由　或會忘形
明白是得失總有定　　　去或留　輕鬆對應
孤單中顫抖　我知我實在難受
問誰願意失去了自由
想退後　心裡知足我擁有
前去亦全力去尋求
風也清　晚空中我問句星
夜闌靜　問有誰共鳴

● 梁家輝：点播许冠杰和张国荣合唱歌曲《沉默是金》为＜香港兒癌病基金＞筹款

● 藝人蔡少芬：我哥哥鐘意到張國榮死，我就好鐘意譚詠麟，其實我和我哥哥兩方面嗰陣時爭到好緊要。其實我都係好鐘意張國榮，我覺得佢好靚仔，但係因為嗰年代呢…你知道鐘意玩呢嘅野啦，我仲要同我哥哥鬥過…哈哈！你要爭佢呀，咁我要爭邊個囉！其實兩個我都係覺得好出色一個藝人同埋一個歌手，我自己都係好鐘意！

好瀟脫嘅哥哥，好有味道嘅，我好鐘意佢呢把聲，好有磁性…無謂問我今天的事…誰願意講失落往事…咁&#60634;歌詞都係我自己好鐘意，奔向未來的日子，我唔識解釋嗰種感覺，但我一聽呢首音樂同歌詞，我自己就覺得好多嗰陣時picture走哂出嚟！想起當時嘅事

張國榮－奔向未來日子（電影"英雄本色II"主題曲）

＜明星＞，好多而家歌星唱，最觸動我呢就係張國榮，因為我記得佢演唱會里面，張國榮真係好似流住眼淚去唱呢首歌，我會覺得好感動！當你見到天上星星，你可會想起我？我會覺得真係去到一哋好勁嘅歌手，邊個都好啦，你聽到佢哋唱嘅時候，你會覺得，我會想起你，我點會唔想起你，我真係會記住你！你就係我哋嗰個帶住同我哋行緊嘅人，我點會唔記住你？

● 側田:「Hello!大家好，我係側田，我就今日揀咗十幾首歌同大家分享下，呢D其實由我細個至到近幾年都好鐘意的歌囉，對我嚟講，都好Touch 到我，無論係melody或者歌詞各方面。」

「咁第一首就係張國榮嘅＜追＞嘞，依個其實我feel到佢囉，歌詞方面係好冧的一首歌，同埋melody一聽就你就會feel到果個power。」「同埋我最鐘意係最後嗰句囉！即係呢句：『有了你　即使沉睡了 也在笑～』」

● 歌手 吳浩康点播：張國榮-Stand Up为「香港傷殘青年協會」筹款

● 歌手 梁漢文：讀書時候聽得最多歌手，其中一位就係leslie哥哥。

我記得有一段時間見佢梳咗一個鴨尾頭啦，嗰段時間佢應該唱緊《側面》時候。嗰陣時候哥哥已經好紅好紅。

我記得有個頒獎禮，佢唱完自己上去攞獎，嗰陣頒獎禮唔係淨係唱一段架嘛，唱完自己隻歌之後，仲可以唱一隻新歌，嗰陣時，嘩!好期待哥哥唱乜野新歌呢，佢自己係台上面唱咗隻《側面》嘩！我覺得嗰種魔力，其實係明星呢，呢個就係超級明星，完全唔須要一切，佢自己係台上面可以攝住你所有灌注力。所以第一次聽到《側面》時候，呢隻歌我覺得好有型吖，佢自己係呢方面好正，揮灑自如，呢個就係我地鐘意嘅哥哥張國榮。呢個就係超級明星，完全唔須要一切，伴舞,佢自己係台上面可以攝住你所有灌注力，所以我就揀咗呢隻《側面》比大家聽。

● 鄭文雅小姐：「其中一個佩服嘅係張國榮，因為係麗的電視呢，我同佢，雖然未合作過，但係大家以前都係麗的電視，咁呢，哥哥雖然唔係度呢，但係我地都係好錫佢嘅，佢亦都係一個有心人，好多時候，即係譬如做好多善事呀！同埋佢會幫好多朋友，所以係呢個圈子裏面，其實，你自己本身係個有心人呢，亦都會得到好多其他人尊敬。今日想紀念哥哥啦，咁佢首歌叫做《有心人》。」

● 香港公益籌募委員會聯席主席－余錦基先生：「往時我聽英文歌多過中文歌，不過嚟緊呢首，我後生嗰陣時，開始學人談戀愛，鐘意異性嘅時候，變咗感情嘅感受唔同頭先嗰兩首差唔多做人，開始出嚟做野，面對個世界，好多時好唔如意時候，好辛苦，唔知點算，但係呢首歌呢，所有感情方面多啲，後生仔拍拖時候，好多時個感情收埋係心裏邊，係唔敢發出來比人知道，呢首歌，係一個好有意思嘅，我相信大家對呢位歌星呢，一啲都唔陌生，呢個係張國榮先生，而家唱嗰首係，我非常之鐘意嘅《明星》。」


● 歌手-劉浩龍：緊急呼籲籌款協助印尼災民

劉浩龍：「由風繼續吹開始，好細個，坐住屋企人架車，係凌晨12點，咁點解咁記得呢，因為嗰陣時，我從來未試過咁夜瞓，去撯人地屋企食完飯，屋企人車住我返屋企，收音機就播住《風繼續吹》。」

「同埋我好記得張國榮，試過掟頂帽落台，跟住比人掟番上嚟，俗d講好瘀，亦都好難過呢件事，但係佢無灰心之餘，仲廪住呢樣嘢，我要他朝有一日，掟頂帽落去，個個係搶住攞架，我覺得呢一份堅持，係好緊要架。」

劉浩龍：「好細個時候係屋企，睇咗個電視播緊佢個演唱會，佢係裏邊唱《默默向上游》呢隻歌之前，係講段說話：『做一個歌手呢，好唔容易』但我細個時就覺得，唔！點解唔容易呀？佢企係個台度唱下歌，得到歡呼聲，幾咁容易吖！」。「九七年羸咗新秀啦，咁無機會出碟，後尾嗰段時間，我覺得，原來做個歌手呀原來好唔容易，所以我就周圍搵呢隻歌，周圍搵周圍搵，終於比我搵到，咁我每一次唔開心呢，都會聽呢隻歌，呢隻歌令到我振作番起來，所以呢我好希望，大家聽完呢首歌之後呢，都會振作！」

● 古巨基：「剛剛聽完《如果你知我苦衷》突然好想念係跟住呢首哥哥嘅作品，因為《如果你知我苦衷》係哥哥寫嘅曲呀，令我好掛住哥哥，我做主持嘅時候，我都有訪問過哥哥，佢好好人，佢好親切，我即使未入行前，我都鐘意聽佢嘅歌，因為佢啲歌好有特別味道，即使多年之後，你而家再聽番，唔會覺得係好舊好舊嘅歌；今日特別揀咗就係呢隻《追》。」

「呢首歌詞，我好鐘意，因為係講緊大家平時都市人嘅生活，望來望去之後，終於發現，其實最緊要嗰樣野係咩野呢？其實係身邊隔離嗰個人，都好希望同大家分享，希望你有共鳴，因為多啲時間唔係淨係忙碌，留意下身邊嘅家人或者最愛嘅人！」

● 明星足球成員－張國強点播张国荣“明星”为「香港影視明星體育協會慈善基金」，又名明星足球隊慈善基金，宗旨是「你施樂他受樂」，主要的服務對象是年老無依的長者，為他們提供直接有效的援助。

[ 本帖最后由 lktgwd 于 2007-1-26 15:47 编辑 ]

平凡的人

续2：

● 專欄作家-李純恩：「呢個節目個名叫「有誰共鳴」就諗起張國榮啦。

  佢係4月1號去既，嗰一年應該係4月兩個月前啦，我係馬會coffee shop裏面飲野。後面就有人拍我膊頭，唔出聲，回头見到就係Leslie，好精神，好似人就瘦ｄ，笑容燦爛，我地好似平時咁樣傾咗一陣偈。

兩個月之後，就係嗰晚我係曾經係佢有份嘅嗰間餐廳咯嗰位置（即嘅間餐唔做嘞），變咗另外間餐廳，我係嗰度食飯，忽然間，出靣砰零硼欄，嘩！點解閃光燈閃得好緊要，原來ｄ記者來影嗰間舖頭，總之同佢有關既嘢都來影，嗰陣時收到電話，就話Leslie走咗啦！。

佢走咗之後，好多人好傷心啦，我又唔覺得太傷心，我覺得係一個人有個選擇，所有既人，我諗過咗三十歲既人呢，佢做咗咩野佢應該係有自己會負責既，Leslie揀咗佢自己既一個路向啦，我地都無辨法去置評，無人會開心去揀呢個路向既，Leslie唱&#60633;呢首歌叫做”有誰共鳴” 啱啱係呢個節目個名嚟既，我好想係呢個節目最後呢，我地大家聽下呢首歌！」張國榮-有誰共鳴

●  音樂人 孔奕佳：「健康快車」是中國第一列流動的、專門從事慈善醫療活動的眼科火車醫院，迄今為止，先后在18個省44個地區，免費使超過4萬名生活在貧困和黑暗中的農村白內障患者重見光明。」

「孔奕佳揀來一首張國榮冷門的一首歌“不想擁抱我的人”」

● 「保護遺棄動物協會」創辦人 陳淑娟点播 張國榮-有誰共鳴

● 舞台劇演員 陳淑莊：她一直尊敬她媽咪，因為她媽咪從無說過她爸爸的一句壞話，她媽咪說；爸爸和媽媽始終是個體，她同爸爸始終是有血緣關係嘅。她媽咪在她中學時期一直好鐿意張國榮。嗰一年，大家都好深刻嘅係哥哥就離開咗我地，咁而家我希望可以播一首，哥哥最後一個演唱會裏，曾經唱過嘅歌，我對嗰首歌好深刻嘅，希望大家都喜歡，就係”至少還有你”。」

● 歌手 李逸朗：我同佢（女朋友）之間發生過好多回憶嘅，同埋我覺得好多回憶好寶貴，係買唔番，所以我覺得每一樣野有個開始，亦都希望比一個句號，我希望能夠再見佢（女朋友）多一面；我只怕不再遇上。」

<只怕不再遇上>合唱：張國榮／陳潔靈

● 歌手 梁詠琪：「跟住講係眾人嘅偶像啦，我自己覺得佢嘅一生好傳奇之餘，其實我覺得佢好努力！同埋好求變嘅一個歌手，一個演員。
我記得入行之前最欣賞佢嘅電影，就係《霸王別姬》，係裏邊佢嘅裝扮得嚟，一來已經好迷人！我仲記得佢有一場戲，佢化咗一個京劇嘅妝，即我一見到佢嘅轮廓真係好靚！你會覺得佢真係天上面嘅明星！佢會有一個明星嘅條件，佢有明星嘅聲色藝；真係難怪無論係男定係女，真係為佢着迷！

當時我仲係讀緊書呢，好多女同學，都見到佢暈哂！但係我覺得好可惜嘅其中一樣野，我入咗行之後，佢就無幾耐都慢慢淡出，同埋已經少咗演出，亦都唔係咁多機會接觸倒佢，就已經離開咗呢個世界。

雖然覺得好可惜，咁但係我覺得呢個傳奇，一路流傳落去，都係美麗嘅，有時有啲野，唔需要太長，真係好短暫嘅人生；但係比到大家好深刻好深刻嘅張國榮！我覺得已經好足夠。」

張國榮“當愛已成往事” <電影“霸王別姬”>

● 舞台劇演員 譚偉權：{我记得我读书的时候 我都喜欢夹BAND  我的启蒙老师是我的哥哥，我的哥哥大概是在中五、中六的时候开始夹BAND 好中意打BAND。当时都听最流行的歌曲，「係八十年代時期，最紅嘅哥哥張國榮啦，第一首接觸哥哥嘅歌就係呢一首《風繼續吹》張國榮嘅歌係陪住我成長，亦都用佢嘅歌做好多表演，其實哥哥對我嘅影響係好大。」《風繼續吹》－張國榮

譚偉權：《明星》－張國榮

「我自己呢去度而家呢一刻，我都好希望自己嘅夢想可以成功，但係亦都令我諗起張國榮哥哥，佢翻唱葉德嫻姐姐《明星》嗰首歌，我相信每一位藝人，唱呢首歌或者聽呢首歌時候，都會好有感覺，明星嘅生涯，就好似天上星星，當你睇星星嘅時候呢，希望你係記起我。咁我亦都希望，自己演員嘅生命係可以好長，唔一定要所有人都認同你，但係希望係台裏面，有一位觀眾認同你，咁我亦都會好安慰，好開心！」

● 資深傳媒-查小欣：「咁因為呢三位朋友，張國榮、陳百強、羅文都係不約而同，係完美主義者。乜野都係做到最好。

譬如張國榮，佢開演唱會第一本場刊，係我幫佢做，當時，佢地就要影一輯相比嗰本場刊用，而家啲演唱會就無場刊啦！

但嗰陣時就好認真，係一本全彩色印刷嘅書，我就同埋攝影師去到張國榮嘅屋企，就預備幫佢揀衫，當時Leslie就着住件浴袍出嚟嘅：『我揀好哂衫啦！』。

你好開心架，即係藝人佢自己做功課，朝頭早十點鐘你去到，佢係未換衫啫，但佢揀好哂衫，咁話啊係吖，咁好呀你拎嚟，我拎上車啦！『妳拎唔倒架！』我話點解？佢係一個個衫架，一車車出嚟，嘩成三十幾件喎！我地影唔倒咁多架！佢話：『唔使影哂；去到睇個景啱邊套，我地就用邊套，』嗱，呢個就係佢地張國榮級嘅藝人。嗰種嘅認真，然之後去度，我記得嗰陣時我地係深水灣俱樂部呢，係影呢輯相，中間有個大水池,咁個攝影師就話：『你個人呢就?係水池上面』，擺個大字形，咁好靚嗰張相，張國榮就話『我去睇吓鏡位得唔得呀？』然之後我叫個助手到番個底下係做番佢要做嘅造型；佢睇鏡位，睇完之後話：『我要換套衫，』我問點解？佢話『呢個景呢，我要着套咖啡色嘅衫先至襯！』

即係完美主義係咁，佢唔係話係個台上面，而係每一個細節，佢都唔要錯，佢完全唔會比你挑剔到呢啲地方。

譬如張國榮，我自己創刊號做嘅頭條周刊第一期，係搵佢做封面，嗰張相係佢嘅親戚屋企嗰度影，係一間花園洋房，係張國榮出面幫我借，然之後所有嘅衫，究竟個造型要點樣？嗰個封面個故事嘅內容，係要寫咩？佢完全同你諗好哂，因為係創刊號，佢話：『我一定要你成功呀，小欣！』你會睇到佢地對自己嗰種要求，佢對朋友嗰種照顧呢，呢個都令我學到好多野，我都不敢怠慢。」



Monica－－張國榮

● 新聞女主播-張慧慈：：「揀呢首歌呢，係因為我先生呢，佢好鐘意張國榮。「好鐘意嘅歌呢；憑歌寄意寫比我啲男朋友，估唔到有一個人呢，真係好似有心靈相通，佢係追我嘅時候，係我生日時候，就畫咗張卡，然後就寫咗呢隻歌，咁我覺得好感動，“金枝玉葉”呢套戲我有睇，我好鐘意睇，對<追>呢首歌唔係太大感覺；反而佢送呢首歌比我呢，我就走去買咗張國榮張碟，就不斷去聽呢首歌，越聽越有感覺。」

張國榮－<追>　（電影“金枝玉葉”插曲）

張慧慈：「咁其實呢送歌比人地要有意思下，寫落去，?要令到女仔對方呢，去聽歌之餘，亦都會諗起你，咁你嘅成功都很大，咁所以呢，<追>呢首歌呢，比我有好大感覺感受，我亦都希望呢，下聽眾係男仔嘅話呢唔係老嘅呢樣野，係非常之有用；可以去試下，憑歌寄意。」

● 舞台劇演員 盧俊豪：「我自己雖然係劇場人，但係其實比較平淡，嗰陣時覺得，自己唔會轟轟烈烈，初戀呢初戀好似永遠唔會離開聽歌聽收音機，我好記得嘅；我同我初戀情人係屋企，播一隻Leslie嘅歌<風繼續吹>，我地淨係聽<風繼續吹>嗰隻碟，我地無咩野講，無咩野做，大家淨係處聽歌，已經好陶醉咗成個下晝，好似過咗好耐咁，呢個就係我地嘅初戀嘅其中一日，原來，嗰啲歌就陪住我哋長大。」《風繼續吹》－張國榮

● 林嘉華：「八十年代有好多嘅電影呀電視劇；咁樣呢，有兩位，係不可不提嘅歌手。亦都係好多人呢封佢地成為心目中嘅…..或者講話係夢中情人都得架！

陳百強同張國榮，如果我講佢地倆位歌手，我相信大家都一定會認同係八十年代，佢地真係帶嚟無盡，同埋好多好多大家少女心目中嘅啲安慰啦！因為聽佢地嘅歌，好開心！聽佢地嘅歌，就會將自己心儀嘅情人，突然間化身成為陳百強或者係張國榮。」

「呢倆位歌手係八十年代帶咗無數嘅認大家百聽不厭嘅情歌，<眼淚為你流>係米代表陳百強嘅代表作？我覺得唔淨止呢首歌，不過我硬係獨愛<眼淚為你流>。」「張國榮會係邊首歌呢？聽完之後，大家會就覺得；唔，呢首歌都好代表當期時啲情歌架！」《風繼續吹》－張國榮


● 商業電台台慶特輯-眾主持與你分享在商台成長的日子

我係商台馬路的士嘅阿通：「話咁快商台呢邁向四十七周年嘞，希望創意為大商台，繼續以資訊、時事、娛樂陪住大家，當然仲有我地交通消息啦，係呢度送上我嘅偶像，哥哥一首歌比大家，默默向上游。」

● 香港足球隊守門員 范俊業：「我記得係呢個1997年呢，張國榮復出開第一個演唱會，我同我太太有去睇啦！聽出耳油！直情係！我同我太太即未試過睇演唱會會毛管楝架真係，即係嗰種好難會搵到囉；原來真係咁正。哈哈 ~ ~ 咁變咗我會揀依首歌；張國榮嘅“追”。」

● 藝人喬寶寶：「跟住呢首係張國榮嘅Monica，張國榮呢首歌其實就百搭，嚟到商台就咁聽，（Thanks　Thanks　Thanks商台 ~ ），去到邊度呢咁其實就聽到邊，咁呢首歌真係老幼咸宜，送比大家張國榮嘅Monica。」

● 薛凯琪:他好成功,他好好人品，佢个人好好

迷惑我－張國榮

薛凯琪:哥哥是她和她父母亲的偶像.去年她在第一个《熱火樂團》個唱，翻唱哥哥的《迷惑我》，一時感觸落淚,控制不了时泣不成声,上半段完全唱不了,下半段停哭,但哭得五官塞了；本來rundown 是先唱一首英文歌"your song", 才唱';迷惑我", 但因為太掛住"迷惑我"這首歌, 所以就skip "your song"唱了"迷惑我", 到最後才知道原來沒有唱那首英文歌。

通常我平時不會輕易唱哥哥的歌, 是要在一個很尊重,很setup的場合才唱的,希望以後有機會能在一大型演唱會再重唱"迷惑我"

● <哥哥>作者汉洋：「希望唱歌能做到專業，但最初不是太理想，哥哥開始也不太理想，後來慢慢、慢慢見到他的努力、見到他的專業，所以更鍾意他，播一首我第一次鍾意他的歌，“風繼續吹”。」

「不知大家有沒有睇過《金枝玉葉》這套戲，有一個場面我覺得很warm很靚，「就是有一對夫婦在吵架，突然聽見哥哥在台上彈琴，自彈自唱，唱了一首歌很有feel，他們不再吵架了，這歌叫“今生今世”」。

「有一種老化的歌手，老化不是年紀大，是老做緊同一樣嘢，不停的重覆又重覆，唱的歌風格沒變化，有時是公司要求，上次這樣做ok喎，繼續這樣做啦，表面上很保險，其實最不保險。其中一個原因我好鍾意哥哥、羅文、梅艷芳，因為他們成日求變，唱歌的風格、舞台的表演，你會見到他們很專業，很佩服他們，現在播一首“不覊的風”。」

「我自己作的歌，有一首特別為一件事寫的，這首歌叫“哥哥”，哥哥出事我以為是愚人節，朋友打電話給我叫我填詞，後來問我可否寫隻歌紀念哥哥，我觉得好啊，我都想。這歌好像小朋友玩遊戲，將哥哥的歌名、電影內的角色串連成一首歌，好理想当然，其實我想Melody的時候，希望有哥哥的感覺。後來找朋友將首歌放上網，當然我不是想出名，最主要觉得如果打了我的名便很沒意思，所以署名“有心人”，果然不出所料反應很好，很高興能做到這件善事，哥哥的歌迷會做了隻碟，籌到善款捐給“奧比斯”，這是我在作曲生涯中很好的紀念，送給你這首歌“哥哥”。」
「如果你生活在黑麻麻裡，真是好慘，如果你本身睇到，變成睇不到更慘，因為本身有現在沒有，如果可以幫到人重見光明，真是好大的功德。9月10號哥哥的歌迷會有一筆善款捐給“奧比斯”，跟住還有些有關哥哥的活動，是關於籌款捐給“奧比斯”的，請大家都会响应。」

(根据聚荣堂、张国荣网络世界里有心的香港朋友记录“有谁共鸣”部分嘉宾叙述整理，谢谢！)

[ 本帖最后由 lktgwd 于 2007-1-26 15:49 编辑 ]

lktgwd

祝LESLIE生日快乐!

lktgwd

收集的好详细呢～～～原来哥哥的歌曲影响了这么多的人

ritacheung

现在再来看感慨依然．