【转贴】哥哥谈他的最佳伴侣--幸福的Bingo

lktgwd

转自荣吧. 送交者:文文小宝
2001年  《犬月刊》


张国荣开腔谈他的最佳伴侣

                               
登录/注册后可看大图

大家千祈唔好心邪！以为最佳伴侣系指阿乜生，其实哥哥所谈的系佢只狼狗“Bingo”，因为一向以来哥哥都认为狗系人类的最佳伴侣，所以“Bingo”咪即系哥哥的最佳伴侣啰！呐！无呃你地架！

虽然哥哥系超级大红人，但就对我地的同事非常友善，一点明星架子都无，唔似得有的小明星咁鼻大大，而当同哥哥讲狗经得时候，更加系可以感受到佢系百分之一百的爱狗同道中人，系真真正正的爱，绝对唔系玩玩吓果一种，所以边位习惯用“玩狗”喱个字眼去代替“养狗”的人兄，愿你决定由喱一刻开始受哥哥感染，拒绝再玩狗，而系用爱去养狗喇！


当年情

言归正传，熟悉宠物喱行的朋友一定知道宜家最大热的狗，系金毛寻回犬、史纳莎之类，但哥哥就只会对狼狗同牧羊狗这两种大狗讲为你钟情，因为这两种狗都系哥哥这些年来所养的狗种。

当中的牧羊狗系哥哥在加拿大住果时养的，虽然佢系哥哥的可人儿，亦同哥哥在加拿大共同度过唔少刻骨铭心的快乐时光，但后来哥哥因为要返香港住，而香港春夏秋冬的天气都同加拿大唔同，尤其系夏天时又湿又热，如果夹硬将只牧羊狗带返香港的话，就一定要同佢剃毛，由于哥哥向来崇尚由上帝创造的自然美，唔想将只牧羊狗原本靓到好似同枕头一样软绵绵的披毛剃光，所以哥哥喱位有心人惟有在爱的抉择下忍痛同只牧羊狗分手，将佢送咗俾朋友。

（笔者按：唉！牧羊狗你之所以同哥哥缘尽于加拿大，相信都系只怪你过分美丽，令哥哥唔忍心将你的美丽破坏，相信哥哥咁有情义，无论系呷过午后红茶，抑或系梦到内河时，都一定会想你，甚至系会有A Thousand Dream of You添！你一定要洁身自爱，唔好红颜白发，兼且要小心保重身体，唔好发烧，相信哥哥以后有时间一定会返回加拿大探你，到时候就可以同你深情相拥架喇！）

                               
登录/注册后可看大图

就是这只啦

lktgwd

爱心

回想起加拿大同爱犬的当年情，哥哥意犹未尽地表示曾在当地学过train狗呢！

“我中意一手一脚去教，当我发号施令时，佢地都会识听，但我唔钟意训练到佢地纯到乜都识做，因为我觉得狗始终都有佢自己的性格。”所以哥哥只会教佢的狗做的好似stand up、sit等等的基本动作，绝对唔会训练到佢地好似俾把无形锁扣锁住咁！

“其实养狗最紧要有爱心，我唔想听到有的人话果个trainer好好，教到只狗好多野，因为背后只狗可能受到好多体罚，我会唔舍得！所以我觉得应该用一点好的方法去train，例如当佢顽皮的时候，可以用点薄的magazine去拍打家私之类的东西。因为狗其实系惊声多过惊痛，除非系打得佢好痛，但咁打法佢会嬲，所以唔应该用体罚。”


（笔者按：养狗其实同养细路差唔多，如果以为打打闹闹就能够令个细路变乖，就只系妄想，因为终有一日个细路会唔再受控，然后离家出走，烈火边缘之中，而身为家长的就只会担心得无心睡眠，而养狗都系一样，所以念住用体罚就能够将只狗教好，除非有Miracle，唔知点解？咪即系奇迹啰！）



左右手

                               
登录/注册后可看大图

哥哥返到嚟香港之后，系没有爱犬相伴之下，尤其系每个黑色午夜就会倍感寂寞有害，为咗唔想梦死醉生咁做怨男，于是哥哥喱位寂寞猎人就在四年前开始养咗一只狼狗，而喱只狼狗就系“Bingo”喇！“我钟意狼狗的性格比较忠心，护主心强，好听话，唔顽皮，我觉得狗最紧要系识得保护主人，我本身住house，当一有人行过我个围栏，‘Bingo’就会吠。”咁睇嚟，“Bingo”咪简直系哥哥的左右手啰！？

哥哥虽然贵为超级巨星，但平日佢亦会同一般狗主一样带“Bingo”去散步，享受一下放狗乐。

“‘Bingo’每日早晚都会出去散步，朝早由工人带，夜晚就由我自己放。”

（笔者按：唔知我有无咁好彩撞到哥哥放狗呢？如果可以见到哥哥放狗，就算要我做隐身人去偷望都无所谓架！唔知我个睇法会有谁共鸣呢？）


“我觉得狗除咗系聪明的动物之外，更加系Man Best Friends，即系人类最佳伴侣，所以一定要令佢感到你的爱心，佢会分得好清楚系锡佢定闹佢，所以当佢顽皮时，一定要令佢知道点解要闹佢，绝对唔可以无喱头咁闹佢。”

（笔者按：如果狗识讲野的话，相信每只狗都会同主人讲：“Love me more！”而且仲系Tonight and Forever，兼且今生今世都会希望能够陪你倒数人生添！）



风继续吹

由于哥哥钟意狼狗同牧羊狗，所以我地亦特别安排咗喱两只狗同佢合照。虽然喱两只狗只系好似路过蜻蜓咁初次同哥哥见面，但佢地已经情难自控同哥哥眉来眼去，摇头摆尾之余，只牧羊狗仲坐在哥哥大腿上面影相添！但由于场内实在太多摄记，闪光灯不断追住哥哥同只狼狗闪呀闪，令只狼狗开始有点惊，哥哥察觉到佢开始唔得心跳呼吸正常的时候，就同在场的记者讲话影够了，仲叫记者请勿越轨以免吓到只狼狗添！由此可知道哥哥真系非常非常爱狗，在娱乐圈中唔知还有谁会比佢更爱狗呢？希望哥哥对狗狗的爱心风继续吹遍每一个角落，令所有狗都能够身边有人去爱。

                               
登录/注册后可看大图

lktgwd

最感动的是作者在这里用哥哥的歌名串起文字,真的好有心!

我的爱岁月见

哥哥本就充满爱心。

lesliema912

幸福的狗狗～～～～

chiahua

作者解說用哥哥的歌名
來串聯起文字
真的是滿特別 好用心

lktgwd

下面引用由chiahua在 2006/03/13 00:09am 发表的内容：
作者解說用哥哥的歌名
來串聯起文字
真的是滿特別 好用心

是啊,看来作者相当了解哥哥的歌曲呢~~呵呵,说不定也是荣迷~~

蝴蝶君

以前有人说过，在32A外面流连，可以听到Bingo的叫声。
那时候，就真的必须离开了，怕打扰了…………

lktgwd

Bingo现在只认唐生是主人了吧~希望唐生会一直养着Bingo.也最好不要离开加多利山的那个家.

水仙

感覺真好呢~筆者都幾可愛~

勇敢的小鼠

原帖由 lktgwd 于 2007-3-11 06:16 发表
Bingo现在只认唐生是主人了吧~希望唐生会一直养着Bingo.也最好不要离开加多利山的那个家.

超同意!希望他永远在哪,因为我希望有一天到香港,能到到哥哥的家,希望是哥哥曾经的家,哪怕只能在门口站一下,我也希望能站在他曾经站过的地方,感受一下他曾经的气息!