指阿梅姣婆守唔到寡 張國榮澄清來龍去脈 （1995/12）

午夜星空

[color=#DC143C]林冰为哥哥写的报道  
指阿梅姣婆守唔到寡     張國榮澄清來龍去脈
明報 林冰(7/12/1995)

與張國榮約了吃晚飯，佢來時拖男帶女－－ 一個係但契仔(十五歲)，三個分別係契仔的媽媽，姨姨和嬸嬸。
這個契仔很伶俐，入門就問契爺點稱呼我，張國榮話：『叫冰姨啦。』跟住笑笑口對我說：『無理由叫你婆婆啫，呵呵？』
賴士里把口衰，我林某口更衰，即時還擊：『點呀！賴士里，聽話你嘅CD好賣得，呢餐飯叫做吃得安樂D。如果唔係呀，今晚飯局實改期啫。』
『改期，唔會嘅。』
『退隱六年，六年後首次復出，哥哥呀，係人都知你壓力大啦，你份人點衰得架？如果今次新唱片唔賣得，你肯請我吃飯，我都詐肚痛啦。』
『無，我無壓力，我都唔做宣傳，唔得時咪賴行宣傳囉，喂，你話我係唔係紅過舊時呀？』
『未知，應該行咁快知嘅。』
『完全無宣傳，台灣賣十一萬張，香港兩日去哂十三萬張，我唔係紅過舊時？』
『六年無出碟，儲蓄咗六年的『能量』，一下子『爆發』，梗係犀利，今次成績只是一次試金石，尚未能證明係紅過舊時，我認為。』(無理由附和佢嘅！)
『果晚，《夜半歌聲》首映，你有無去華懋呀？』賴士里問我。
『重好講，場面墟冚到我匿埋一角，入場後見一班護衛員守住中間座位，你當時係咪坐果度呀？』
『係呀，果晚有兩個首映禮，一個係華懋，一個係會展中心。人人都估我去會展中心，但，我去咗華懋。所以，華懋見唔到我班FANS，全部係來睇戲的人…. 今次虛冚，可能新片公映加出碟，雙管齊下啦。』
『喂！會唔會 ….唔使幾耐，又聽到你開演唱會的消息呀？』
佢停了一陣：『暫時都未諗過。』
『即係不排除啦，賴士里呀，話咗退隱，唔係無權復出啫，你諗下，結婚咁大件事，神的面前宣誓，一生愛護，無論貧病，到頭來都可以離婚，點解退隱的人唔可以復出啫？何況你六年後至….』
『佢地屈我話當年我話阿梅姣婆唔守得寡，根本呢句說話係x x x同x x x講嘅，依加夾硬入晒我數。』
『即係不排除開演唱會，即係有可能出席….』
『果日，我撞見港台的張文新，你知啦，新哥喎，佢問我 …. 我話…..千祈唔好咁早頒個金針獎俾我，我重未夠老，佢就問我如果我係全港銷量冠軍，會唔會去領獎？我話….』
『下！你真係去？.』
三個女人一個墟，契仔媽媽子清、姨姨子玲、嬸嬸都話有銷量冠軍就去領獎。
『幾大都去！』佢地異口同聲。
我話：『不如叫人代領啦。』
三個女人之一間：『佢唔肯親自領獎，會唔會唔頒俾佢架』
我上下打量賴士里，但著一套白麻西裝，好有型。
佢問：『我係唔係好靚仔呀？』
『係呀，好靚仔，KEEP得好FIT，甚至除衫重睇得，係《金枝玉葉》給除咗衫，我發覺你腰部略有脂肪。』
『算啦，冰姐，成四十歲人嘞，重想我點呀？』
賴士里一話自己四十歲，坐係對面與賴士里差四年的子玲即刻反對；『三十八歲之嘛，你九月生，三十九都未足，乜四十歲呀？』
問賴士里：『新屋要裝修幾耐？』
『半年。』
『過去一年拍電影三部，加上簽咗滾石又一筆，有－筆錢落袋呀荷？加加埋埋你呢一年收入好豐厚，裝到間屋似王宮都得啦。』
『張叔平幫我搞緊。滾石果度係有包薪。寶麗金都傾過，俾得唔少過渡石，我揀滾石係滾石屬於音樂人，啱我多D。』賴士里說：『今年少拍D戲架喇，除咗東方嘅賀歲片，陳凱歌的秦始皇，我諗我只拍許鞍華、王家衛。
『咁都唔少啦，一年拍電影淨賺一千五百萬，將間屋裝成天宮都得啦，D錢易賺呀。』
『易賺？唔易呀….不過諗住以後都係拍陳凱歌嘅戲好D。就算唔賣座，都無人話唔好，唔賣座係你地D人唔識欣賞啫，咁係咪好D呀？』
『我知陳凱歌為什麼又揾你做秦始皇….』
『凱歌講過，秦始皇係暴君者，但佢平天下時不過廿歲。』
『更重要係陳凱歌加張國榮，淨係法國都值八十萬美金，另加分紅。』賴士里笑。
『你枕住都得閒啦，係嘛？直到黃百鳴通知你拍東方賀歲片？』
『係呀，不過十五號要去台灣，每出一張碟，要拍三個MTV，我又去台灣拍MTV。』
『你梅道間屋賣咗？新屋又話要半年後至入伙，你住邊呀？』
『噯，好好彩，我同新業主租咗梅道來住，唔使搬來搬去。』

慕荣叶子

哗，睇得好辛苦WO！不过，多谢噻！

colbyzhao

能不能交代一下D关系？难明

qinlydeng

明天就是梅姐逝世一周年了。