張國榮問：八十年代張國榮最似。。。（1994/07/04）

午夜星空

[color=#DC143C]林冰为哥哥写的报道
張國榮問：八十年代張國榮最似...
林冰 《明報》 (4/7/1994)

走入東方錄音室，便見到張國榮、高志森坐係張收音枱前，二人有講有笑。見到我入來，高志森指住一張櫈：『冰姐，你坐果度。』
張國榮說：『都好，佢做我契媽。』
我一屁股坐係張櫈處，高志森見我那樣老實不客氣，就問：『你真係想出鏡呀？』 我這才看到，他們前面擺著一部攝影機，由編劇晉身導演行列的馬偉豪正在拍戲，難怪辣士里話可以坐果度做佢契媽。
這一日，拍的是《香蕉成熟時續集》，張國榮和高志森是來客串的。
無奈何自動請纓
我問張國榮：『你都會來客串嘅？自動請纓呀？』
『我點會自動請纓呀？』張國榮毫無熱情的說，與平時見到我，熱情得很的樣子大異其趣。
『你咁大個天王巨星，邊個咁好膽叫你來客串呀？』
『我係呢部戲中飾八十年代的張國榮。飾張國榮有邊個似得過我呀。』辣士里說：『咁我咪來客串一日囉。』
拍完一個鏡頭，辣士里退出來休息，有一堆人圍上來，全部係這組戲的工作人員，男男女女，老老嫩嫩，每一個人都要與辣士里合拍照片，照完又照，照完又照，簡直沒完沒了。
時光倒流九年半
我見張國榮很忙碌於與人合照，不是可以傾談的，就退出來去找高志森：『肥仔森，點解UFO呢部戲會叫著你同張國榮客串嘅？』
肥仔森話：『辣士里但做番但自己，我做番我自己。九年半前，就係係呢間東方錄音室，我就係坐番依加呢個位，張國榮坐佢依加坐緊呢個位，呢個叫小蘭嘅配音員亦係坐依加佢坐呢個位，當時我地配緊《聖誕快樂》，今日就係重複九年半前嘅情景。』
『小蘭配邊個？』
『李麗珍』
老豆係有地位的
原來《香蕉成熟時續集》中，男主角的父親曾志偉是一個配音領班，小男星是張國榮迷，這一日跟了父親來看配音，當然也是為一睹張國榮的明星風釆而來。
有一個鏡頭從張國榮的身後，拍張國榮把曾志偉的一支墨水筆放入褲袋，我企係度觀賞，有D唔明，趁末開機，走埋去問：『辣士里，點解要特寫你袋了曾志偉支筆？』
辣士里話：『支筆係男主角送俾爹地，我借用了之後唔覺意將它袋落袋，男主角望見整個過程拍男主角覺得自己個老豆在工作上好無地位。』
『哦！咁嘛。』
『不過，志偉係有地位嘅，後尾一場拍但臥病在床，我去探佢。男主角發覺老豆係有地位的。』辣士里話。

兩靚仔從未碰頭
既然記得《聖誕快樂》拍於九年半前－－高志森當然也記得辣士里果時剛剛紅。
『梗係記得啦，戲內有陳百強添。』高志森話。
『聽講那時兩個靚仔歌星唔多啱key，拍戲有有鬧不快呀？』
『我講你知嘛，但地兩個從未碰過頭。』
『有對手戲？』
『有，不過，我經常跳拍，明明要做對手，我就分前後一兩日來拍，拍張國榮正面時，搵第個替陳百強背影，拍陳百強時，張國榮背影亦搵人替，總之，從來無安排佢地同場拍。』
『你那時得二十六歲，已經咁醒目。』我打趣：『唔怪得呢十年你發成咁啦。』。
這一日高志森常常指點這，指點那的，辣士里提醒佢『喂！你今日做演員，唔係導演呀。』

李志毅係清道夫
《香蕉成熟時續集》係李志毅監製。
『阿志，又係你監製呀，UFO部部都你監製嘅？』
『唔係，我監製兩部之嘛，張之亮的《等著你回來》同呢部《香蕉成熟時續集》之嘛』 曾志偉話：『你唔知咩，李志毅係我地UFO嘅清道夫』
『你地UFO好多垃圾呀？』
志偉話：『哦！你唔睇波，唔知乜野叫清道夫，即係把守最後防線嘅球員。 』
『你呢，志偉，你係UFO乜野呀？』
『我係軍醫，有傷殘就我出面搞掂，張之亮，陳可辛就係前邊衝鋒。』
這時瘦瘦小小的女製片走入來，志偉話：『呢個咁奀瘦嘅製片，派去埃塞俄比亞就啱。』真係一個最多口同刻薄嘅老闆。
我問高志森：『曾志偉做的配音領班，當日係邊個做呀？』
『丁羽。』高志志森話：『當日重鬧了個笑話，配完呢場我問跟住第幾場？丁羽話，第四場未跑，我講配音，佢講跑馬，真搞笑。』

ritacheung

怎么看不太明白，太多粤语对白了

网中鱼

不是很明白，小午可翻译一下吗？

jerry978

香蕉成熟时？
当时却不怎么发觉

ericcyc

哥哥在圈中人缘好不是没原因的。连这么一个客串都上，敬佩！

浪漫流星

多美好的回忆.

大漠孤烟

我一点都看不明白,谁能翻译一下呀?多谢了!