威望 点
荣币 元
积分27792
交易积分 点
主题
回帖0
在线时间 小时
阅读权限100
|
吴君如=三姑
吴君如: 头先听收音机, 又听vani 的节目, 又知道今日系哥哥的忌晨, 系佢的生日, 有很多节目纪念佢啦 及播翻佢的片段, 前晚又搞了一个演唱会(继续张国荣慈善演唱会), 而今日系佢的忌晨,
杜文泽: 昨天因为演唱会系慈善的, 我地台一早很快就卖晒飞(卖完入场券, 票), 问题系我好多朋友怎麼样都拿不到飞, 我地公司的高层, 老板都拿不到飞
吴君如: 我就好幸运, 最早最早话有呢个concern 时, 黄宝珠问我买唔买飞, 我梗系话买啦, 才可以分到两张飞, 过了几日, 後补都无了. 其实一路以来, 好多fans 都好挂著(想念)哥哥, 我明, 包括本人, 周不时收到fans 啲fax, 因为太挂著哥哥, 叫我讲下哥哥同我啲趣事, 及以前与哥哥发生过的事情, 个个都好怀念佢. 我一路都唔想讲的理由系其实我自己都唔开心, 讲来做甚麼呢! 但并不是代表我现在开心, 而是今日正值系哥哥的忌晨.(杜文泽: birthday) birthday, 好多人都好有心做了些事, 正值我去了加拿大, 醒起, 其实唔系醒起, 我一早在哥哥不在时, 已经在屋企搜寻我在细个果时同佢影下的相片拿出来摆, 原来相片一早已pack 咗放在加拿大, 在加拿大, 终於找到了那本旧相部, 哗, 几珍惜啊, 念著去scan 啲相出来, 因为如果啲相唔scan 出来, 已经没想到底片, 一直放著, 会发黄, 但相片已经开始变黄了, 因为果张相系我在十四岁时同哥哥影的, 真系好珍贵, 我阿妈直头当了相部系家产一样, 千吩咐, 万吩咐, 我要scan 一份送啤唐唐(唐先生) 留念, 我阿妈千吩咐, 万吩咐要我scan 多一份, 万一一份唔踮, 可以有另一份. 因为啲相实在好珍贵, 我睇完一次, 都不无好感慨地觉得好珍贵. 包括我自己个样已经唔同晒了, (杜文泽: 十四岁, 大佬, 唔好玩啦) 系啦, 十四岁, 当年我就十四岁, 哥哥就廿几岁, 在一个地方我哋影咗好多相, 由果日开始, 我就同张国荣结成好友了, 以後啲日子就成日提著当年我地曾经做过些甚麼, 所以今晚我就拎了本相薄返来
杜文泽: 你个人都几好命, 十四岁已经识哥哥了, 比起一般少女, 你条命真系好得好紧要,
吴君如: 系呀, 仲要系几咁靓仔, 仲要同佢拍咗几个MTV 添, 仲要同佢有机会拍电视剧,电影添,
杜文泽: 关於呢单嘢, 我系麻麻地, 你咁好命, 我系麻麻地的!
吴君如: 唔好咁讲(不要这样说)! 当然啦, 同过张国荣共事的都知道, 张国荣系好好人的, 头先在冷行(走廊) VANI 的节目, 班FANS很伤心地做完节目, 出来时都流晒眼泪, 但系大家都好踢哥哥(好疼爱哥哥)罗, 做咗好多好精美的东西给哥哥留念,
杜文泽: 啱啱我收到一本纪念哥哥的小删子, 有好多哥哥的相及哥哥的一些资料, 钉得好靓, 系自己做的,
吴君如: 呢本相薄没有甚麼人睇过, 你都系哥哥的FANS, 我念著罗翻来啤你欣赏下, 但系我又考虑过好唔好SCAN 出来啤人睇呢? 慰藉下啲FANS
杜文泽: 呢个要开下会倾下先!
吴君如: 我又好明啲FANS 好挂住哥哥, 好中意哥哥, 好想用任何的方法得到哥哥的资料, 但系张相其实都有我在, 我就好肉酸(很难看), 可唔可以打格仔, 我依家都念紧拎唔拎出来啤你睇?
杜文泽: 即系你唔敢面对, 系咪呀?
吴君如: 哥哥一直都系咁靓仔, 都系无变过, 佢真系无变过的. 真系由我识佢到现在, 个样都系没变过, 但系我就好唔踮(很不行) , 我依家都念紧拎唔拎出来啤你睇, 我怕你笑得趺了落地
杜文泽: 我尽量简洁 D 睇啦! 我净系睇哥哥个边啦! 尽量集中视线啦!
吴君如: 你中意张国荣, 就睇张国荣, FOCUS 在张国荣上, 尽量唔好睇张国荣旁边的人身上, 在我拎出来的时候, 你可唔可以唔好笑得咁行(不要笑得那麼厉害)
杜文泽: 你讲你个样, 吴君如: 系呀!
杜文泽: 可唔可以在睇时剪走你呢?
吴君如: 咁又唔可以, 对於我来讲, 系非常珍贵, 家财一样.
杜文泽: 你依家系未复印的.
吴君如: 未复印版的, 在我的手袋里的系ORIGINAL, 我昨日才落机, 我那有时间去复印啊!
杜文泽: 哗, 你真系好小心保管
吴君如: 我今日直头系好小心抱著出街, 我阿妈已经千吩咐, 万吩咐叫我千万不要弄掉了相薄. 我在加拿大回来, 都不敢放在喼(托运行李箱), 一直都系HAND CARRY, 因为怕喼有机会唔见, 唔知运了去边. 所以我念咗好耐想唔想啤系本相薄你睇. 但系我又想慰藉下哥哥啲FANS.
杜文泽: 约私底下睇, 我就同意, 公开就唔可以了
吴君如: 如果佢啲歌迷聚会, 可以啤佢地欣赏下的, 那又未必, 因为那是一个公开场合, 唔系一个私人PARTY, 转头翻来啤你睇, 但你不要笑我笑得咁行!
*************** 哥哥的歌曲 [红蝴蝶] **************************************
杜文泽: 你死到唔拿出来给我睇! 我好想睇, 我唔系八, 我得鬼闲八你!
吴君如: 等我再考虑下想唔想拿出来给你看, 我就系知啲人八卦. 我就系测试啲人有几八卦, 你系八婆之嘛!
杜文泽: 我尽量遮住你果边, 因为我好细个巳经好中意哥哥啦, 由你开始拍VIDEO, 我都记得的. 在路台(阳台) 反晒眼
吴君如: 头先我回来时, 睇VANI 讲有个男人点哥哥唔系流行的歌, 但系你一入直播室已经唱了起来了, 全世界就奇怪你为什麼识唱哥哥的歌, 你就说有甚麼我系唔识唱的?
杜文泽: 我依家唔扮哥哥唱歌了, 以前就好中意扮, 现在就唔扮了, 你唔好理点解啦, 我好细个已经好中意听哥哥的歌, 但系我好不满你的VIDEO. (吴君如: 边个呀, 我同佢拍几个)
杜文泽: 恋爱交叉系唔系你呀?
吴君如: 系呀! 交叉手势
杜文泽: 你跟著做交叉手势, 我憎呀嘛!
吴君如: 当年导演要咁做!
杜文泽: 哥哥做果个交叉, 我知呀, 你做甚麼跟著做交叉手势! 我唔系很满意的!
吴君如: 十一点半先啤你睇啦! 跟著怀念下哥哥啲往事啦! 依家净下三分钟, 开咗又开BREAK, 不是很尊敬!
杜文泽: 你识哥哥, 你的身份是哥哥的朋友, 我只不过是普通一个与别人一样的中小学生歌迷,
吴君如: 系呀, 你又未同佢共事过,
杜文泽: 但你知哥哥的打扮系好劲啦, 其实对於我地来讲, 系有做过很多行差踏错的事, 例如, 哥哥的[侧面], 我在我的出书里曾提过, 我学哥哥电了鸭PP头, 但当时我的头发唔够长, 哥哥电咗在耳後边, 而我系电咗在後脑, 我的鸭PP头变成了八婆梳髻, 我就好後悔, 但系我觉得好似, 真系撞鬼, 真系好後悔, 好多人做咗同我一样的行差踏错的事, 当其时, 佢有一件ＪＰＧ的皮褛, 两边格仔,有两块大SHOULDER PAD,我又在屋企学他!系好YOUR(同音, 意思为老土) 又学他, 将前发线铲高,将头发蜡向後面,然後两边应像哥哥那样弯弯下垂, 但自己的发线唔够高, 就将前发线铲高, 但之後毛发又生出来,被同学笑到不得了.(吴君如: 你都迷过佢一阵子, 当年你都好迷佢 ), 最惨的系, 你一迷哥哥, 很多时你会行差踏错, 你以为你可以做的,
吴君如: 但系自己又没佢果种气质, 样子呀, 我真系image 未到哥哥的鸭pp头摆在你的头上,
杜文泽: 最惨的系後边又要铲青, 七字的, 个髻电在呢度, 个发型师仲话好似, 果阵时在油麻地整的, 现在念起都惊啊!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
吴君如: 呢个相薄真系好珍贵, 你知唔知有个影星叫做黄宇王, 你咁细个, 都唔知啦, 後边系余安安 .
杜文泽: 有张国荣先生的签名, 呢个系甚麼台, 我看到哥哥著得很casual , 镫心容裤, 白衬衫,
吴君如: 你睇下哥哥的FASHION, 没有OUT 过, (从没有过时), 你念下, 你以前的衣著, 同依家衬衫没有分别, 佢对时装的触角从来没有OUT过, 每次我睇翻呢啲相, 你知唔知, 我影相时十四岁, 大家估下, 如果大家知我几多岁(三姑系1965年出生, 应该系1979年), 系一九咁多呀!
杜文泽: 哗, 大块田果阵晓行未呢(大块田即田芯妮, 也是杜文泽的太太)?
吴君如: 你睇下哥哥, 当时佢啲衫, 每次我睇翻呢啲相, 你话佢同依家有甚麼分别呀, 佢对时装呢样嘢, 你完全唔使质疑!
杜文泽: 呢度系边度呢, 系甚麼台,
吴君如: 呢度系美丽华酒店的夜总会叫美丽宫夜总会, 其实我都讲过, 很多人都知道, 我爸爸系那里的经理, 专门编排节目的, 当时他就请了哥哥, 因为当时没有演唱会, 大家都系在夜总会及酒廊唱歌, 当时下午哥哥就彩排.
杜文泽: 你就走去影相了,
吴君如: 呢个就系哥哥的签名了!
杜文泽: 呢个就系你当时十四岁了,
吴君如: 系呀!
杜文泽: 真系要遮住你果边来睇, 你就十四岁, 但哥哥个样同依家系没有分别的, 个样完全没有变过,
吴君如: 真系没有变过!
杜文泽: 发型都系梳向後吹,
吴君如: 同现在一模一样
杜文泽: 都系喜欢向後吹. 侧边有少少弯弯地, 有两个角, 有少少弯弯地弯落嚟! 但系你果个发型真系好似叶刘淑仪(香港政府前高级行政官员, 已RESIGN, 因发型似扫把, 香港市民称之为扫把头) 同埋你的眼神同依家一样咁呆滞, 我睇到你好无自信, 将双手插入袋来遮掩你的神色紧张.
吴君如: 系呀, 我看哥哥将双手插入袋, 我也将双手插入袋.
杜文泽: 你果件PURPLE COLOR 西装褛够绝了, 你条白色裤都 OK, 但系里面果年有横间, 有少少暗花, 你想点呢?
吴君如: 我念了好耐了这个衬法,
杜文泽: 系用来看哥哥.
吴君如: 我当然知道几时会见到哥哥啦, 我SET行马(打扮隆重), 现在还 在目, 果阵时系4点钟, FANS 第一次见偶像, 会唔会唔记得, 我到现在廿几年都记得呀, 当年星期日, 4点钟下午, .就要踏台, 酒楼已经清晒场,
杜文泽: 睇你的眼神同现在相比, 你的智商唔系进步咁多. 哥哥个样以前同依样一样咁後生(年轻), 咁靓仔,
吴君如: 真系无变啊!
杜文泽: 但系, 你睇下你个样, 根本上同依家个样一样, 都系咁死蠢, 都系蠢蠢呆呆! 有一个CLOSEUP 相片,
吴君如: 我个发型, 因以前很流行洛琳头(汪明荃主演的家变中的女强人) 7几年很流行东茹发型.
杜文泽: 你啲头发唔够长卷起来, 就好像一只BOWL CUP 住, 本来哥哥就好专心地练歌,
吴君如: 哥哥搭住我的肩膀影相, 我系回味了好一段日子. 你明唔明FANS 见到偶像的心态, 兴奋度, 系可以回味, 佢轻轻搭一搭你, 你可以想足几日几夜.
杜文泽: 以你的手已经反应到了, 以我咁多年的演员经验, 你本来插袋好自然的, 佢一搭你肩膀, 你即刻变成林正英影片中的彊屍, 手垂直咗了,
吴君如: 笑容也很呆滞,
吴君如: 你知唔知我细佬中意哥哥中意到连英文名都系叫LESLIE
杜文泽: 咁大胆.
吴君如: 佢曾经用LESLIE 超过十几年了.
杜文泽: 哗, 愈来愈夜了, 杯盘已放了
吴君如: 哥哥已练完歌, 同我地打牙较.
杜文泽: 你阿妈肥的样子同你的发型系一样的! 电到爆晒, 练完歌, 哥哥好开心, 陪下你地班友, 成班师奶仔.
吴君如: 系呀, 佢真系好好人啊! 你话啦, 呢啲相对於我来讲, 系唔系珍贵到不得了啊!
杜文泽: 呢间油楼的装潢在当年都应该系好豪华,
吴君如: 以前系兴那样的!
杜文泽: 呢位又是谁!
吴君如: 佢就系哥哥在那时的经理人KK 谭
杜文泽: 果时已有经理人, 呢个就系KK 谭啦!
吴君如: 有了, 有了! 你没睇一些报导, 佢已经有经理人! 之後的相片系我 收集哥哥的相片.
杜文泽: 你细佬都好招积, 可以同哥哥影到相, 睇得出佢(吴君如的弟弟)的眼神以为自己是少爷一样, 粘到可以同哥哥一齐影相都很高兴, 哗, 锑头, 清装, 光头, 呢个景我拍过, 系唔系亚视景! 哥哥锑头, 我真系未见过哥哥光头. 佢使出虎爪, 识得虎形拳.
吴君如: 我真系去信和买闪卡果啲女仔. 呢啲就系亚视剧, 系呀, 几英呀, 我真系SAVE 钱去买相的. 否则点可以有呢啲相. 系我自己去找的, 去总统商场,
杜文泽: 有短珠片褛, 红色腰封, 白色裤, 里面真空. 好性感! 跟著呢个, 哗, 呢个好细个, 呢张好细个, 长头发! ;新春大吉, 哥哥呢个发型真系未见过,好似八十年代, 剪到好短, 吹晒去後边, 著著套唐装衫, 面边挂住个玉佩. 拎著新春大吉, 还有班指.
吴君如: 我有好多呢啲相, 呢啲真的唔系流的(不是假的) 现在年轻一辈的FANS 系没有呢啲相,
杜文泽: 哥哥拎著个相机, 呢套衫有啲MICHAEL JACKSON 年代, 红色染皮, 风褛, 高腰裤, 红色皮带, 一条十八K金项鍊, 那时时兴十八K金项鍊，呢张系甚麼?
吴君如: 系1980泽田元二的演唱会飞, 呢张系古董飞!
杜文泽: 哗, 1982, 120元飞, 打劫啊! 有陈伯强的飞
吴君如: 所以呢本相薄, 你细力啲翻, 因为已经很旧了, 呢本相薄系我一生中最珍贵的相薄
杜文泽: 你最值钱就系呢样嘢
吴君如: 系呀, 我的家当最值钱啦! 所以值著今日, 啤啲fans , 我都系fans 欣赏下
吴君如: 我同普罗fans一样, 依然怀念哥哥, 呢本相我会好好珍藏, 希望有机会让fans 欣赏, fans一路每一年都会怀念纪念活动, 今年就非常成功, 来了好几百人,
杜文泽: 我仲想讲少少, 唔知点算呢, 可能系心理有问题, 我开始接受不了去卡拉ok啲朋友点哥哥的歌来唱, 我自己已经决定咗唔唱, (吴君如: 点解,你还系觉得唔舒服), 系呀, 我唔得呀, 有时同啲朋友去卡拉ok, 梗系会唱歌, 唔使讲了, 但系一点哥哥的歌来唱, 我就接受唔到, 真系唔知点解, 听番原唱当然没问题啦, 我自己都唔敢扮来唱,
吴君如: 其实果阵时, 好中意哥哥, 识咗哥哥之後, 佢经常带我去饮茶, 佢果阵已经好中意饮下午茶, 西茶, 我同佢睇过甚麼戏我都完全记得,
杜文泽: 佢点解又会肯同你影相, 同你做朋友,
吴君如: 佢好人罗! 佢真系当我系朋友了, 佢当然知道我系佢fans, 但系, 佢真系当了我系佢朋友. 佢会打电话同我倾机, 带我去街呀, 跟著番屋企食饭
杜文泽: 咁又系, 你的发型那样, 真系好想help 你,
吴君如: 我又咁cute!
杜文泽: 作为美术界, 点都想help 你. 你的发型咁样.
吴君如: 唔系, 咁都系哥哥好人, 咁佢都锡我的, 可能佢觉得我系佢後辈, 我又中意佢, 佢又带我去街, 几开心呀, 好似带了个小妹妹去下街, 睇下戏, 游下车河
杜文泽: 我念哥哥咁多朋友中最不正常都系你了.
吴君如: 当年哥哥手车好辣架, 我记得佢带我去游车河, 转西贡弯, 浅水弯
杜文泽: 转得你昏得一阵阵
吴君如: 好冧架!!(好浪漫), 咁我系佢fans 来架, 我save 了很耐钱, 买了一只几千玫的公仔啤佢,
杜文泽: 果阵时, 你啲同学会唔会好仇恨你呢, 嫉妒你
吴君如: 好羡慕我! 成日叫我, 如果哥哥叫我去街, 叫埋佢地罗! 我当然不肯啦, 心想,你就想了. |
|
|手机客户端|小黑屋|Archiver|网站简介|荣光无限论坛|沪ICP备09096540号-1
IP卡
狗仔卡
发表于 2008-04-17 17:11:00
提升卡
置顶卡
沉默卡
喧嚣卡
变色卡
千斤顶
显身卡
发表于 2008-04-18 02:46:12
～～喜欢经常来个漂亮利索的转弯
～是不是象他的转身一样正呢
～～～不过坐车的人就要晕啦～～
发表于 2008-04-18 22:06:50
