梁朝偉重上歌台 為哥哥甘願死細胞(2008-3-31)

lktgwd

紀念演唱會粒粒巨星登場助陣     ＜採訪＞達里　＜攝影＞吳國明   成報


梁朝偉經常勾起與哥哥往日的片段。

　為紀念哥哥張國榮逝世五周年，今明兩日將於紅館舉行兩場《Miss You Much Leslie繼續寵愛音樂會》，演出的包括梁朝偉、梁詠琪、草蜢、莫文蔚、辛曉琪、袁詠儀、許志安、陳松伶、陳潔靈、陳慧嫻、張智霖、黃耀明、葉德嫻、蘇永康、鄭欣宜等，張學友則擔任顧問。據知舞台設計方面將採用三面台，台上會設計一道橋，當打頭陣的歌手葉德嫻獻唱後，橋便會斷開，暗示大家與哥哥張國榮天人相隔。

　昨日梁朝偉、GiGi、Karen、草蜢和欣宜等先後到場綵排，已多年沒上台唱歌的偉仔，坦言唱歌比拍戲更緊張，但認為能懷念一個朋友很值得去做。三年前也參與紀念張國榮的音樂會的他說：「上次唱歌已經死好多細胞，平時我唔唱K。我會盡力而為，雖然唱得差但都係一份心意，我會用懷念好朋友的心情投入去唱。」他選唱了《風繼續吹》並解釋說：「因為鍾意呢首歌，其實哥哥好多歌都鍾意，但新歌唔係咁熟，呢首較易掌握。（唔叫嘉玲一齊唱？）唔係我叫的，佢都好少唱歌。」至於是否常勾起與哥哥往日的片段，他說：「經常都會，除了工作外我們都成日見面，過時過節都會想起佢。」偉仔更指當年拍《春光乍洩》首次與哥哥熟絡，當時在阿根廷拍外景，二人常出外行街食飯搵節目。有周刊指劉嘉玲懷孕一事，偉仔說：「咁八卦的事唔使回應啦。（有無懷孕？）梗係唔係。」
張學友怕忘記歌詞

　張學友本來擔任演唱會藝術總監，但因事忙改擔任顧問。他將翻唱《春夏秋冬》，又會與陳潔靈合唱，他最怕是不記得歌詞，因為未唱過該曲，但無論如何都及不上哥哥，偉仔亦有致電傾演唱的事，他覺得對方唱得不錯。這幾年不斷有好友離世，令他感觸甚深：「覺得個世界怪怪懐，好似好孤單，無衝動打電話同人聯絡，甚至唔想出席公開活動。」不過他自言不須看心理醫生，反而要擔任陳淑芬的心理醫生。

　莫文蔚將演繹《紅》及《大熱》歌曲，她說：「都有少少壓力，自己都有排舞，同埋搵一對紅色高跟鞋襯番。」此外，有指Karen簽約外國經理人公司，她直認道：「係呀，對方係一間世界性的公司，有好多知名藝人，碧咸都係其中之一。」問到現在是否寄情工作，她說：「我一向都係工作狂。」
梁詠琪享受唱慢歌

　梁詠琪揀選唱《柔情蜜意》及《我願意》，她說：「我覺得哥哥的慢歌較適合我唱，哥哥在台上都係Enjoy自己的演出，所以我都想學佢一樣去享受。」GiGi又說：「無人可以代替佢，佢係一個Legend。」草蜢會演繹哥哥的經典快歌，早於三星期前已開始排舞，他們說：「都幾緊張，因為始終係哥哥唱得最好，所以我懐都會穿靚衫，令大家滿意。」

　欣宜表示肥姐生前也是哥哥的歌迷，對今次演出可謂有相重意義，她說：「細個睇哥哥演出時好認真，台下就好有型、英俊，今次唱佢的歌都有少少壓力。」雖然欣宜曾否認與父親秋官開演唱會，問她可曾期望過，她說：「雜誌寫過好多事，但我無聽過，暫時未有考慮。」有指無铫力捧她做肥姐接班人，欣宜說：「我無呢個能力，如果有機會都會試做，但暫時我想注重唱歌先。」