马圈818 陈克胜 精选纪念张国荣（18/04/2006）

蓝色星光

馬圈818 陳克勝 精選紀念張國榮
蘋果日報
蘋果馬經 D14 高明 18/04/2006
葉楚航馬房「將軍」今季七戰獲三冠一亞兩季，成績真係冇得頂，馬主袁沛林同周偉樑上周四響自己酒樓，擺幾圍賀賀佢，請晒葉全倉上下手足擦番餐，場面不知幾咁happy。
聽晚袁氏家族袁滿林名下馬「精選」列陣四班一哩，葉眾兄弟梗會落力打氣，希望贏馬後又有食神駕到，不過對於「精選」另一位馬主陳克勝?講，最可惜本月初場田草千六贏唔到屈居亞軍，事關哥哥張國榮生前同陳克勝呢班馬主好friend，「精選」呢個名，更係由哥哥改，意思好似佢精選歌曲咁，長出長有。上次「精選」跑第二日，正係哥哥生忌，未竟全功陳克勝當然唔會就此罷休，今次升班減十九磅再接再厲，為紀念哥哥，一定繼續全力以赴。