《新上海灘》現場報導 張國榮劉德華好痴纏 (1996)

忘不了的张国荣

来源:  geocities. com



《新上海灘》現場報導   張國榮劉德華好痴纏 (1996)

《新上海灘》將陳年舊(電視)劇搬上大銀幕，有乜賣點?   有！四千萬元大製作，兩大巨星同場演出，再加上海實地拍攝，又點止舊劇重拍咁簡單?  張國榮、劉德華，兩位都是咁高咁大的大明星，朝夕相對，究竟是火星撞地球抑或擦出火花呢?  好，即刻飛去上海睇睇先！熒幕上的丁力許文強一剛一柔，現場的華仔和Leslie，一樣是一個活潑、一個沉靜，不過行埋拍戲兩個都多話說。『咦，點解你塊面D陰影一笪笪，成隻烏嘴狗咁o既？』華仔很留心Leslie的靚仔樣。『我講呢句對白有無特別意思o既呢？』Leslie不斷地在思考，又問華仔意見。二人不但有傾有講，休息時Leslie還問華仔借了副gameboy玩。『我打gameboy最叻就是tennis，多數會贏；bowling就差D。』
Leslie一臉得意地繼續說：『佢(華仔)成日都話約埋一齊打bowling，不過一直時間唔約唔成.咦，華仔走左去邊？好衰架佢，次次走人都唔通知我。』咁痴纏，睇落真係唔似有不和喎！

丁力老貓燒鬚
拍完這一天對手戲，Leslie便趕返香港主持《風月》首映禮和coffee shop 開張儀式，只有華仔留在上海。華仔一個人一樣很活躍，一會兒幫化妝師設計髮型，一會兒又幫人相機影相，又多人找他簽名，總之就忙個不停－－可能體力消耗太多，華仔拍兩個簡單的動作鏡頭竟然失手，也算是老貓燒鬚了。第一個鏡頭說華仔追著一部車子，NG了五、六次之後，華仔忽然跌在地上，幾秒鐘都站不起來，嚇得工作人員連忙扶起他，事後還抹一額汗：『嚇得我呀！仲以為但學寧靜(   咁跌到入院留醫，咁就慘囉！』虛驚一場之後，華仔繼續拍一個由車頭跳落地面的鏡頭，誰料又叉錯腳跌低，不過今次好快起身，再拍一次導演就收貨，總算威番一次咁多啦！

優待大明星
大明星的身價往往數以千萬計，所得待遇自然亦與別不同，連 Leslie都說：『咁辛苦拍戲梗係要得舒服D啦.』
除了『舒服』，華仔與Leslie這兩個大明星還有什麼優待呢？
酒店:全部工作人員住三星級賓館，華仔Leslie則下榻五星級大酒店頂樓套房,房租一日要七千八。
方便:無優待喎!因為現場只有男女廁各一，衛生問題就『都算乾淨』Leslie話
食用:開工日時，大明星都要食飯盒，不過一收工就會搵好野食，華仔話「永和」豆漿粢飯最正，Leslie就鍾情「小亭」餐廳

1996